Сибгатуллина Миләүшәнең шәхси сайты

          29 нчы апрель көне олимпиадаларда җиңүче укучылар белән берлектә Чистай муниципаль мәгариф идарәсе төрле профессиональ конкурсларда катнашып урыннар яулаган укытучыларга да грамоталар һәм дипломнар тапшырды. Коллегаларым белән беррәттән мине дә "Иң яхшы татар теле һәм әдәбияты укытучысы" Бөтенрәсәй бәйгесенең муниципаль этабы җиңүчесе диелгән диплом белән бүләкләделәр

       Коллегам Шакирова Резеда Рамиль кызы белән бергәләшеп 3 нче сыйныф укучысы Гыйниятов Рәмзилне "Белем дөньясына бер адым" бәйгесенә әзерләп,  призерлык дәрәҗәсенә ирештек. Укучыбызга киләчәктә уңышлар, күп-күп йолдызлы мизгелләр теләп калабыз!

27.03.2019 көнне "Чистай күпкырлы көллият" базасында IV Бөтенрәсәй фәнни-гамәли конференция булып узды. "Милли мәгариф укытуында яңа укыту технологияләрендә инновацион эшчәнлек" секциясендә  чыгыш ясап 2 нче урынга лаек булу бәхетенә ирештем. Барлык хезмәттәшләремә зур рәхмәтемне белдерәсем килә. Мондый очрашулардан соң яңалыкларга баеп, яңадан-яңа җиң сызганып эшли башлыйсың.

       2019 нчы елны  5 нче март көнне Штаб резиденциясендә "Мөгаллим" очрашу семинары булып узды. Чарада татар теле укытучылары өчен

• Дәресләрдә татар теленә кызыксыну уяту, 
• XXI гасыр татар теле укытучысы ниниди ул?, 
• Татар телен укытуда заманча алымнар һәм технологияләр  темаларына чыгышлар оештырылган иде. Семинар бик уңышлы узды. Киләчәктә тәкъдим ителгән алымнарны һичшиксез дәр ... Читать дальше »

     Буген 2019 нчы елның 26 нчы февраль көнне Абдулла Алиш премисенә лаек булган язучылар белән танышу  чарасы уздырылды. Укучыларым каршында китапханә хезмәткәрләре чыгыш ясады. Абдулла Алишның тормыш юлына күзәтү үткәрелде. А.Алиш премиясе лауреаты Роберт Миңнуллин шигырьләре белән чара баетылды. Мондый чаралардан соң яңадан-яңа белемнәргә ия буласың. 

    2019 нчы елның 15 февралендә Чистай муниципаль районында Дәүләт Советы утырышы узды. Утырышта катнашучылар өчен кече залда күргәзмә оештырылган иде. Укучым Гиниятова Ралинә Муса Җәлилгә багышланган тере композициядә Чулпан ролен башкарды. Барысы да уңышлы узды.

    2019 нчы елның 1 нче декабрь көнне  Чистай балалар үзәк китапханәсе "Ватаным Татарстан" темасына багышланган шигърият бәйгесе уздырды. Укучым Гиниятова Ралинә бәйгедә 2 нче урын яулады. Ралинәгә алдагы тормышында иҗади уңышлар, зурдан-зур биеклекләр яулавын теләп калабыз! 

30 нчы ноябрь көнне 2 нче Гимназия бинасында К. Тимбикова исемендәге IV регионара фәнни-тикшеренү укулары узды. Декоратив-гамәли иҗат секциясендә  укучыларым Каюмова Эльвина һәм  Гиниятова Ралинә хезмәт укытучысы Гөлнара Сәмигулла кызы җитәкчелегендә  җиңүче дипломына ия булдылар.  Афәрин! 

2018 нче елның 23 нче ноябрь көнне 5 нче мәктәп базасында "Әти, әни һәм мин - татар гаиләсе" диеп исемләнгән муниципаль бәйге үтте. Катнашучы 8 гаилә арасында 6 нчы гомуми белем бирү мәктәбе тәгъдим иткән Хәнәфиевләр гаиләсе катнашты. Укучым Хәнәфиев Айгиз әти-әнисе белән  "Иң тапкыр гаилә" номинациясендә җиңүче булдылар. Котлыйбыз аларны! Афәрин!

16.01.18 Чистай шәһәренең Ял итү үзәгендә Мәүлид кичәсе уздырылды. Бу бәйрәмдә Рәсәй Ислам уиверситеты вәкилләре бик эчтәлекле чыгыш ясадылар. Бәйрәм бик матур узды. Хөрмәтле мөселман кардәшләр, Сезне барыгызны да Мәүлид ае белән тәбрик итәм!